Sögulegt spil að baki!
12. nóvember 2006 klukkan 22:47
(Guffi skrifar)
Það má segja að spilin séu að verða skemmtilegri og spennan eykst með hverju spilinu sem líður, en hún getur ekki orðið mikið meiri en í gær! Við vorum 7 sem spiluðum, og týndi sonurinn, einnig þekktur sem Biggi (Alexanders), mætti öllum til undrunar og spilaði af krafti. Ösp lét sjá sig, þrátt fyrir vissar efasemdir í garð spilsins, en ég held þær séu allar horfnar eftir gærkvöldið! Hún dróg meira að segja tvo spilara með sér, þau Helgu Guðnýju og Hörð Holtsmann, sem skemmtu sér konunglega að því er ég best veit. Svo voru auðvitað við Vignir með í game-inu. Og svo fór:
- Guffi (28)
- Ösp (27)
- Biggi Al (24)
- Vignir (17)
- Hörður (16)
- Helga Guðný (15)
- Örvar (14)
Spilið gekk rosalega vel fyrir sig þrátt fyrir mikinn mannsöfnuð, en undir lokin þá voru komnir nokkrir áhorfendur! Biggi lenti svo í frekar óheppilegu atviki, sem varð honum dýrkeypt, og hafði líklega af honum 2. sætið, og jafnvel sigur. Það var þannig að Hörður var fambi, og af því rétta skýringin var svo stutt (vettlingur) þá ákvað hann að þykjast skrifa töluvert meira til að blekkja mannskapinn. Það virkaði greinilega vel því Biggi var búinn að skrifa vettlingur, en ákvað að hætta við það því Hörður var svo lengi að skrifa. Missti af nokkrum stigum þar.
Eins og sjá má gekk Ösp best af nýliðum kvöldsins, og er þetta með betri byrjunum hjá nýliða. Sigurjón og Guðjón Már eru þeir einu sem hafa náð að vinna í fyrsta skipti, þannig þetta verður að teljast góður árangur.
Það var nokkuð um stigasúpur, og það voru ég, Biggi og Ösp sem deildum hæstu stigum í stakri umferð, en þau voru 4 talsins.
Þetta var svona það helsta, held að allir hafi skemmt sér vel og ég vil bara þakka fyrir kvöldið!
Með sigurkveðjum,
Guffi!
ps. Ösp, þarf svo að fá myndirnar sem þú tókst til að henda þeim inn á síðuna...
Fimbulfamb
Almennt |
Almennt |